Nisadas /වෘකයෙකුට පෙම් කළෙමි

...
...

චතූ

වෘකයෙකුට පෙම් කළෙමි

🌸🌸🌸 -පාට ගෑ අපේ පෙම-🌸🌸🌸

දකිනු රිසියෙන් නුඹව
දෑස් ඇවිටිලි කරයි
හොයනු රිසියෙන් නුඹව
මහද කරදර කරයි...

අකීකරු පෙම් පුවත
යළි යළිත් පණ ගැහෙයි
කවිකාර නිල් අහස
තාම තරුණයි හැඩයි...

කෙකටියා පදුරකට
මල් පොකුර පෙම් කරයි
ගග දියේ ගලාගෙන
ගල් බොරලු ඇදී එයි...

සුදු පාට කිරි පැහැති
ගලක් රළ මත හැපෙයි
පෙරැළි කරමින් ගගේ
මල් වදුළු මැද රැදෙයි...

කෙකටියා මල් පොකුර
පරව මියැදී වැටෙයි
සුදෝ සුදු ගල් කැටය
මියැදි මල සිප ගනියි...

දිනෙක නුඹ අසරණව
ආවොතින් ඒ වගේ
ආදරෙන් වැළද ගමි
මියැදි මල් පොකුර සේ...

ඒ තරම් හිත් ඉවුරෙ
සෙනෙහසක් තව තිබේ
පාට ගෑ කොළ පුරා
ඒ සෙනෙහෙ තැවරුවේ...

මගේ සිතුවම් අතර
නුඹ මැවී නැවතුණේ
පාට ගෑ අපේ පෙම
තාම සොඳුරුයි හිතේ...

මම,
චතූ✍
2020 නොවැම්බර් මස 10 වැනි දා
පෙ.ව.10.47


Comments

  • Circle Image
    Geethanjalee 😊
    හදවතට දැනෙනවා ඒක නම්😥
    -2020-11-10 15:16:19
  • Circle Image
    චතුරිකා ගුණසේකර 🖤
    ❤️
    -2020-11-11 01:05:43
  • Circle Image
    Deesha🎀(දීෂා)__😉💕__
    ❤❤❤
    -2020-11-11 01:48:07
  • Circle Image
    චතූ
    😊❤
    -2020-11-11 07:31:38
  • Circle Image
    Shashi ❤👻
    ලස්සනයි ❤️
    -2020-11-11 09:44:22
  • Circle Image
    චතූ
    Thanks ❤
    -2020-11-13 08:01:56