Nisadas /මිහිදේවි

Vosandi Dissanayake

මිහිදේවි

සිහින සිතුවමක සිටිනා
මල් මද බිසවක රූ සරිනා
නෙක ඉගි බිගි හැඩ දමනා
ලස්සන නෙතු මට පෙනුනා

ලා හිරු කිරණින් ගත දොවලා
හැඩ වැඩ දැමු ගවුමක් ඇදලා
නිල් වරලස කරලට ගොතලා
පළදියි නෙක පියුමන් පුබුදා

මුතු ඇල්ලූ මිරිවැඩි පළදා
රන් යානාවක ඇය නැගිලා
අහස් කුසේ සුදු සේද අතුරලා
යහන සදයි දරු කැල වෙතටා

රන්දිය එකිනෙක එක් කරලා
නිල් පාට බෙදයි මුළු අහස පුරා
මුතු පබළුත් නෙක දෝත දරා
දේදුන්නක් ඇය පාට කරා.