Nisadas /හරිත හැගුමන්

...
...

Vosandi Dissanayake

හරිත හැගුමන්

නිසග පවනේ හෙලන දහදිය පෙනේ මිණි මුතු පොදක් විලසින්
ගතෙහි දැවටුන නේක කොළ අතු ඔබට ගෙනදෙයි සිනාවක් පොඩි
නේක ලියකම් දමාගෙන ඔබ සදාගත් මේ සිරිය මනරම්
එදා වාගෙම අදත් පිපුණා ඔබේ මිදුලෙත් අරලියා මල්

ගෙදර වත්තේ තිබෙන බංකුව එදාවාගෙම අදත් එහි ඇත
නෑර ලොලයන් වඩවඩා එන රංචු ගිරවුන් ගස්පුරා ඇත
ගෙදර තිබෙනා එකම පුටුවට පොර බදින පොඩි පැටව් එහි ඇත
ඇන්ද සරමත් වටින ගමනට ගෙදර පිලිකන්නට දමා ඇත

වත්ත පිටියේ තිබෙයි තවමත් මැකෙන පා සටහන් ඔබේ
එහිම තිබෙනා පුංචි මඩුවත් සිඹියි පා සටහන් ඔබේ
ඇවිදින්න බැරි නේක රූ ඇති සද්දන්ත පණ ටික ඔබේ
බලා ඉන්නවා නේක විලසින් රුව දකින්නට ඔබේ


Comments

  • Circle Image
    Naween Perera
    ලස්සනයි ☺️
    -2021-02-22 16:35:37
  • Circle Image
    Vosandi Dissanayake
    Thanks
    -2021-02-23 16:47:50