Nisadas / Writer / ශශී❤️😍

Writer Profile

    Circle Image
    ශශී❤️😍
    Nisadas: 53

...
...

ශශී❤️😍

ආදරය

එක් සැදෑවක නුබෙ රුව ඇදි
රන් වලාපට සේ
ඉතින් මා ගෙත්තම් කරන්නද
ලොවට නොපෙනෙන සේ
ඈත කදුකර මුදුන් සිපගෙන
ඇදෙන සුලගක් සේ
ඇවිත් නුබේ ඔය රුව තෙමන්නද
සිසිල නොදැනෙන සේ

ශශී❤️

...
...

ශශී❤️😍

❤️❤️❤️

වැසි වසින සීතලට ගුලිවෙන්න නුබ ලගම
දෙතොල් පෙති නුබෙ මුවේ දවටන්න ඉඩ දෙන්න
සිහිනෙකට නෙතු පියන් වසාගෙන සැනසෙන්න
මේ සීත කලුවරේ හැගුමන්ට ඉඩ දෙන්න
සීතලෙන් හිරි වැටුනු මගෙ කොපුල් සනසන්න
උනුසුම්ම හාදුවක් ආදරෙන් මට දෙන්න
සැමදාම අපේ සිත් ප්‍රේමයෙන් පිනවන්න
අන්ධකාරය මැදින් මද පවන වී එන්න

ශශී

...
...

ශශී❤️😍

අම්මා

දිය පොදයි ඔබ වියරු කතරට සිසිල ගෙන ආලූ
තුරු වියන් ඔබ චන්ඩ හිරු රැස් පෙරා වලකාලූ
මහ සයුර ඔබ සෙනෙහෙ ගගුලට රහස් කොදුරාලූ
මියුරු කව ඔබ හඩන මගෙ සිත නිතින් සනසාලූ
පෙවූ ලේ කිරි කදුලු ගගුලට කුමක් සම වේදෝ
අසමසම ඔබෙ කලන ගුන කද ගයනු හැකි වේදෝ
හදේ සෙනෙහස වදන් නොවුනත් කෙලෙස අඩු වේදෝ
මවක් වන් රන් අකුරු තුනකට කවුරු සම වේදෝ

ශශී

...
...

ශශී❤️😍

අම්මා

දිය පොදයි නුබ වියරු කතරට සිසිල ගෙන ආලූ
මහ සයුර නුබ සෙනෙහෙ ගගුලට රහස් කොදුරාලූ
තුරු වියන් නුබ චන්ඩ හිරු රැස් පෙරා වලකාලූ
මියුරු කව නුබ හඩන මගෙ සිත නිතින් සනසාලූ
පෙවූ ලේ කිරි කදුලු ගගුලට කුමක් සම වේදෝ
අසමසම නුබෙ කලන ගුන කද ගයනු හැකි වේදෝ
හදේ සෙනෙහස වදන් නොවුනත් කෙලෙස අඩු වේදෝ
මවක් වන් රන් අකුරු තුනකට කවුරු සම වේදෝ

ශශි

...
...

ශශී❤️😍

😐

නිසන්සල රාත්‍රියක
නිහඩ වූ නිමේශයක
අවදි වී මගේ සිත
හඩයි අසරන විලස
හඩන මගෙ හදවතට
නුබ පමනි සතුට අද
එන්න මා හද විලට
අවසරයි නුබට අද
ජීවිතේ ඇති තුරා
හැර නොයමි කිසි විටෙක
නැද්ද අවසර තවත්
ලන් වෙන්න නුබ වෙතට...

...
...

ශශී❤️😍

❤️

වැසි වසින කල සොදුරු වූයේ
වෙලේ ඉපනැල්ලයි
සුලන් හමනා විටෙක දුටුවේ
තුරුලතා රැගුමයි
මියදෙනා තුරු හිතේ ඇත්තේ
එකම එක පැතුමයි
දිවි තුරා තුරුලටම වීලා
නුබේ ලග ඉන්නයි

ශශී

...
...

ශශී❤️😍

එකමත් එක දවසක

සුදු පාට මීදුමට මුහු වෙච්ච
මද සුලග
දග කලා උනුහුමට දැවටිලා
අප ලගම
ඈත කදු වලලු මැද තනිවෙච්ච
කෝවිලට
පියමැන්න හැටි නුබට මතකයිද
මගෙ සොදුර...
අතින් අත පටලවා ගුලිවෙලා
උනුහුමට
නෙතින් නෙත දල්වලා ලන් වෙලා
සිත් ගැබට
කදු යාය නිම්නයක තනි වෙලා
අප දෙදෙන
වින්ද ඒ මිහිරි සුව නොවේ අමතක
හදට...
සීත මිහිදුම් පොකුරු ඈත කදු
සිපගත්ත
නීල තණ පලස මත වැහි බින්දු
වැතිරිච්ච
සෙනෙහසට සිසිල දුන් මනමාල
පොද වැස්ස
පිබිදුවා මන හැගුම් මගෙ හිතේ
හැන්ගිච්ච...

ශශී

...
...

ශශී❤️😍

😐

සරා සද මල දිලෙන අහසෙහි
නුබේ රුව ගෙත්තම් කලා
සදට හිනැහෙන තරු පොකුරු මැද
නුබේ නෙත් මට හිනැහුනා
රැහැයි හඩ ලොව ගයන ගීතය
සිතට විරහව එක් කලා
මැවෙන පෙරදා මතක සිතුවම්
සිතම මගෙ අසරණ කලා

ශශී

...
...

ශශී❤️😍

😔

සිහිනයක සිත දුරක රන්දා
නීල ඉදුවර දෙනෙත් සැලුවා
නුහුරු නුපුරුදු හැගුම් අවුලා
සුලග වී නුබ ඈත ඇදුනා...
මතක ගුලිකර සුසුම් හෙලලා
මුලු රෑම ඉකි ගසා හැඩුවා
පවන මුමුනන කවිය ඇසිලා
නිදන සද මල කදුලු සැලුවා...
නුබේ සෙනෙහස දැනෙන හින්දා
අතැර යන්නට ලෝබ හිතුනා
ඒත් ඇය නුබ ලගම හින්දා
ඉතින් යන්නම් මතක හැරදා...

ශශී

...
...

ශශී❤️😍

අයියා

නුබ දුරු රටක යන්නට ගිය ඒ
දවසේ
මන් මුලු රෑම ඉකිබිඳ හැඩුවා
රහසේ
මතකෙට නැගෙන විට නුබෙ පෙම හැමතිස්සේ
දුක හිතෙනවා ගෙවෙනා හැම
තත්පරයේ

නුබෙ සෙනෙහසට උපමා නෑ
පබදින්නේ
මවුපිය සෙනෙහෙ තරමට එය
වැජඹෙන්නේ
මේ මුලු ලොවේ නැත කිසිවක් මට
අගනේ
නුබ හැමදාම මගෙ මුලු ලෝකෙම
සොයුරේ

ශශී

...
...

ශශී❤️😍

❤️

මුදු පින්න තාම සීතලයි නගේ
මගෙ හිතට පාලු දැනෙනවා වගේ
දැවටෙන්න ලගම මීදුමක් වගේ
කොදුරමුද ලොවට රහස් ගැන අපේ
පාන සිනා හුරතලෙන් වගේ
ලැසි කොමල ගමන් මදහසක් වගේ
නෙත් විලට පිපුනු සියපතක් වගේ
සුර දෙව්දුවකගෙ සිත්තමක් වගේ

❤️❤️❤️

...
...

ශශී❤️😍

😒

නිල් අහස පුරා නුබේ රුව මවලා
සිත සැනසුවා මන් හිමි නැතත්
ආදරෙයිනේ කියා...
නෙත් මානයේ නොමැති වුව
සිත් මානයේ රැදීලා
නෙතු පියවෙනා සැනින් දැහැනක්ය නුබ
මා වසග වීලා...
වෙන් වෙන්න බැරි අයිති නැති බැදීමේ
පහසෙහි රැදෙමි
පියමන් කල නොහැක
මතකය හැර දමා...

ශශී

...
...

ශශී❤️😍

පමා වී ආ වසන්තය😔

නිදි නැති තරු නෙත් කදුලු සලද්දී
නුබ නොනිදන බව මට දැනුනා
සුසුමන් දිය වී හැගුම් දැවෙද්දී
මුලු රැය සිහිනෙක නුබ පෙනුනා
හිමි කර ගන්නට වරම් නොමැති මුත්
නුබ මා ගැන පමනක් සිතුවා
ප්‍රේමය සිත ලග හඩා වැටෙද්දී
කදුලැලි සිර කර මා දැවුනා
හිමිකම සොයනට සසර දිනකදී
අවසර දෙන්නම් නුබට යලිත්
කාටත් කලියෙන් නුබේම වන්නට
පෙරුම් පුරන්නම් සිතූ ලෙසින්
ප්‍රේමය නොහැගෙන සේ මා උන්නට
සමාව දෙනවද නුබේ සිතින්
සොදුර ඉතින් මට නුබ හැර යන්නට
අවසර දෙනවද මතක වලින්....
😓😓😓😓😢

ශශී

...
...

ශශී❤️😍

😒

සෙනෙහෙ සිත්තම් කරන නුබේ මන හැගුම් ලග...
නොසැලෙනා මගේ හිත සසල විය මොහොතකට...
දග කරන නුබේ ඇස් මගේ රුව ලග නිතර...
සිපගන්න අවසරද සිහිනෙකින් මගෙ සොදුර...
නුබ මගේ නොව හැගෙන අදුරු ඒ නිමේෂය...
කල්පයක් සේ දැනෙයි කදුලු දෙන ඇස් වලට...
හැන්ගෙන්න නුබේ ඔය සොදුරු හද විල් පතුල...
කාටවත් නොහැගෙන්න පින් පුරමි හැමදාම...
ආකහේ හැමදාම දිදුලනා සද ලගට...
තරුවකට කෙලෙස නම් ලන් වෙන්න හැකිවේද...
දුරින් හිද සැනසෙන්න මගේ දුප්පත් හිතට...
අපේ ලස්සන මතක හැමදාම මට දෙන්න...
බොලද මගෙ හදවතට හැම මොහොතෙ පෙම් කරපු...
නිබදවම ආදරේ නොඅඩුවම පුද දුන්නු...
මියෙන තුරු ආදරේ දලුලන්න පින් කරපු...
මගේ පණ මගෙ වෙන්න මතු බවෙකදී නුදුරු...

ශශී

...
...

ශශී❤️😍

සිහිනය

සීත මිහිදුම් සලු එලා
පබලු පිනි කැට වපුරලා
නුබේ සිත දගකම් කරනවද
මගේ නෙත් මත පැටලිලා
සිහින තරු දෙස නෙත් යොමා
හැගුම් සුසුමක දවටලා
කොපුල් තලයට හාදු දෙන්නද
ආදරෙන් තුරුලට වෙලා...
සුලග මුමුනන පෙම් කතා
මගේ දෙසවන රදවලා
සිතින් නුබ මගෙ ලග ඉන්නවද
හන්තාන සේ නොසැලිලා
අදුර මැද මුලු රැය පුරා
එලිය දෙන සද වගෙ ඔයා
නුබ මගේදැයි මට කියනවද
හෙමින් සවනට කොදුරලා...

ශශී

...
...

ශශී❤️😍

ආදර තාත්තා

දහදිය කදුලු මිනි මුතු විය නුබෙ පෙමට...
කරගැට පිපුනු අත් රලු විය විදි
දුකට...
රිදුමන් නොදී මා සැනසූ
හදවතට...
නුබ මගෙ තාත්තා වූයේ පෙර
පිනට...
ගොතනට එකින් එක පදවැල් නැත මැවුනේ...
නුබේ ගුණ ගයන්නට ලෝකය මදි සිතුනේ...
මහමෙර හිසින් අරගෙන නුබ දුර
ආවේ...
නුබෙ සෙනෙහසට උපමාවන් නැත ගෙතුනේ...
දිවියම මගේ හැඩ කෙරුමට නුබ වෙහෙසී...
දුක් කම්කටොලු වින්දා නොඅඩුව
පේවී...
දිනුමක් ලදොත් ජීවිතයේ මතු
දිනෙදී...
ඒ නුබ නිසාමයි පෙම්බර
අප්පච්චි...

ශශී

...
...

ශශී❤️😍

නුවර අහස යට 😒

ඇවිද යන්නට තෙරක් නොපෙනෙන සසර මග හමුවේ
ඇවිත් නුබ දුක තුරුල කරගෙන මගේ පන සම සේ
මගේ හිමිකම මටම හිමි නැති විඩාබර ගමනේ
ඉතින් නුබ ලග කෙලෙස ඉන්නද අයිති නැති සෙනෙහේ
අදුර පිරි මුත් සදක් නැති මේ විසල් ආකාසේ
තරුත් නොනිදා සද වඩින තුරු බලා ඉන්නා සේ
සියුම් හැගුමක් කදුලු අස්සේ කොපුල් සිප රහසේ
පැවසුවා මට එපා දුවනට මිරිගුවක් පස්සේ
සීත පවනක් නුබේ වේශෙන් පැමිණ ගත දැවටී
අසුරු සැනෙකින් හැන්ගුනා මේ නුවර කදු අස්සේ
මිරිගු දිය ලග හඩා වැටෙනට නෙතට අවසර දී
නික්ම යන්නම් අදුරු මතකෙන් සසර මග සමු දී

ශශී

...
...

ශශී❤️😍

😒

දෑතම දිගුකර දිවුරුම් දුන්නට කිසි දින හැරදා නොයමි කියා
ඒ දිවුරුම අද කදුලක දැවටී පවනේ පාවී යයි රිදවා
සෙනෙහස විදිනට නුබගෙන් මොහොතක් මට අවසර නැති බව දැනිලා
නුබ දුර ඈතක පාවී යනු දැක මගෙ සිත සුසුමින් වට කෙරුනා
පෙරදින හමුවී දොඩමලු වූ ඒ සුමිහිරි මතකය අවදි වෙලා
වසන්තයට පෙර ගිලිහුනු කැකුලක් හැගුමන් ලග අද වැද වැටිලා
උයනක වැතිරුනු සීතල පිනි බිදු තුශර හිමේ අද තනිවීලා
ඈතින් පෙනෙනා බොද වූ සිතුවම මා ලය කුසුමේ පරවීලා
පාලුව තනිකම සතර දිගින් විත් විකසිත කුසුමක් ගත වෙලුනා
හැන්දැවක පිපි සමන් පොහොට්ටුව නටුවෙන් ගිලිහී බිම වැටුනා
දෙලොවක් අතරේ සරන මගේ සිත නුබෙ රුව ලග විත් නතර වුනා
ආපසු යන්නට පෙර එක මොහොතක් සුවද තියන්නද දෙතොල් නුරා
ගොම්මන් අදුරේ සිසිල් සුලග වී නුබ මගෙ සවනට රහස් කියා
ඇසිපිය සලනා එකම නිමේශෙන් නුබෙ හඩ දුර ඈතක රැදිලා
පියවෙන දෙනුවන් නුරා මතින් දැන් සයනේ ගුලි වී ගිලන් වෙලා
සුරගන වේශෙන් මා මැවු සිහිනය අද මට නොකියම දුරස් වෙලා

ශශී

...
...

ශශී❤️😍

🙄

අතින් අත යන දුහුල් මලකට
ලොවක් ගැරහුම් කලද කොපමන
ඇගේ ලය මත පිරුනු ගින්දර
ලෝකයක් හට කෙලෙස වැටහෙද
අතීතය වත්මනට පැමිනී
අනාගතයම දවා අලු කර
ඇගේ සිත ගත නොනිමි කදුලක
පැටලවීමට කවුරු වග වෙද

ශශී

...
...

ශශී❤️😍

😥

සද තනි මකන සැන්දෑ බටහිර අහසේ
පඩු පැහැ තාරකා ඇයි නිවි නිවි දිලුනේ
ලියකම් මවන තරු සිත්තම් මන දසුනේ
නුබෙ නෙත් සගල මට ඇයි මැවි මැවි පෙනුනේ
පිනිබිදු සැලෙන සීතල හිරිගඩු පින්නේ
සිසිලස නොදී හදවත ඇයි ගිනි ගන්නේ
හෙමිහිට නැගෙන ඉර මල සුන්දර අඹරේ
මට ඇයි සිතට සැනසුම නොම ගෙන ආවේ
පෙම් ගී ග්‍යන සියොතුන් කැල සතර දිගේ
නැවතුම නොදී ගලනා ජීවිතය දිගේ
මිහිදුම් නැගෙන නිසසල පිවිතුරු උදයේ
මේ හැමතැනම නුබෙ රුව ඇයි මට පෙනුනේ

ශශී

...
...

ශශී❤️😍

💙

ලවන් නෙතු යුග පෙමින් ඇලලෙන
සවන් පෙති නුබෙ හඩින් රැව්දෙන
සුසුම් සිරකර දවන ප්‍රේමය
සිතින් හැරයනු කෙලෙස මම අද

ශශි

...
...

ශශී❤️😍

❤️❤️❤️

වසත් සමයක සොදුරු සවසක
නුබේ නෙත් මා නෙත ගැටුනු කල
පුරුදු ලෙසකට නුබේ රුව මට
සත්තමයි සසැලුනා හදවත
නුහුරු නුපුරුදු හැගුම් ගොන්නක
පැටලුනා මා සිත් පියුම් විල
දමා යන්නට නොහැකි තරමට
පෙම් කලා මන් මටත් නොදැනිම
සසර මග මුනහැහුන විලසක
නැවතුනා මගෙ සෙනෙහේ නුබ ලග
පෙමින් සෙනෙහෙන් ගෙවී කාලය
සිවුවසක් ගතවෙලා නොදැනිම

ශශී

...
...

ශශී❤️😍

😐

නෙතු දැහැන් බිදී
සිත් අහස නිදී
රුව දකිනු රිසී
සිත සුසුම් නැගී
සිහිනයක වෙලී
දුර ඈත රැදී
නුඹ ලගම සිටී
ප්‍රේමයද මදී

ශශී

...
...

ශශී❤️😍

😐

හීන පොදි බැදි ජීවිතය ලග
මහමෙරක් දුක තිබුනි නොඅඩුව
එකින් එක පද ගොතන්නට අද
අවැසි පද පෙල දුකම උනි මට
හිතින් විඳවන සියක් හිත් ලග
නෙතින් වැලපෙන දහක් නෙත් මැද
ජීවිතේ ළඟ හීන මියදෙන
සසර ගමනෙහි කෙලවරක් නැත

ශශී

...
...

ශශී❤️😍

😐

තනිවෙච්ච යාමයක
නෙතින් ඉගිලෙන කදුල
වටින බව පවසන්න
නුඹට තව පුලුවන්ද
දලුදාන හීන ලග
ඔච්චමට හිනාවෙන
නුඹේ ඒ මතකයට
සමුදෙන්න පුලුවන්ද
කොතන මග හැරුනාද
කෙලෙස වෙන් වී ගියෙද
නොදන්නා මගෙ පැසට
පිලිතුරක් දෙනවාද
අතීතය පුච්චන්න
මතක අලු කරලන්න
නුබෙ හිතට සමුදෙන්න
කවදාක හැකිවේද

ශශී

...
...

ශශී❤️😍

❤❤❤

අහස නිලබර සදකි නුබ මට
අමාවක රෑ එලිය ගෙනෙනා
කතර මැද නැවතුමකි නුබ මට
ගිමන් නිවනට සිසිල සදනා
වෙරල සිප එන රලකි නුබ මට
ලගින් නිරතුරු තනිය මකනා
හුස්ම පුදදෙන ජීවිතේ නුබ
විඩාබර සිත ලගින් රැදෙනා


ශශී

...
...

ශශී❤️😍

එක දවසක ඇවිත් යන්න...😐

දුර තුශාරයේ සීතල පිනි බිදුවක එතිලා
මන් දිවා රැයේ සිහිනෙන් නුබ සිත්තම් කෙරුවා
පෙම් පුරානයේ මතකය ලග හදවත බිදලා
රලු ඉඩෝරයේ ගිලිහුනු නුබ ඈතට ඇදුනා
පිනි කඩා හැලේ හදවත ගිනි දලු වට කරලා
නෙතු හඩා වැටේ අහිමිව ගිය නුබ සිහි කරලා
නෙක පාට වලින් සේදී ගිය සිහිනෙට වැදිලා
සීතල උනු කදූලු වලින් මතකය තෙමුවා
යලි වසන්තයේ එක දවසක අප හමුවීලා
දොඩමලු වෙමු දෙනෙත් වලින් උනුහුම සොයලා
එක නිමේශයක් සැනසෙන්නට ඇසිපිය සලලා
එක දවසක ඇවිත් යන්න ඇයගෙන් මිදිලා

ශශී

...
...

ශශී❤️😍

සිහිනය

ගොම්මන් අදුරට නෙත හුරු වෙනකොට
මියැදුනු මතකය අවදි උනා
උනුසුම් කදුලක් කොපුල් තෙමනකොට
සිත සිතුවිලි මට ගතු කිව්වා
නිලබර සද තරු තනිය මකනකොට
අහසට පබැදිව කවි ලිව්වා
සීතල සුලගට රහස් කියනකොට
නුබෙ රුව පෙනි පෙනි සැගව ගියා
මීදුම මුලු රෑ දසත ගලනකොට
නුපුරුදු හැගුමක් මෝදු වෙලා
දෙනෙත් පියන් මම තදින් වසනකොට
නුබෙ සුන්දර වත මට පෙනුනා
අනේ ඉතින් මම නුබ වෙත එනකොට
දහසක් සිතුවිලි හදෙහි දරා
සිහිනය අතරින් ඇගෙ අත ගෙන නුබ
අසුරු සැනින් රුව බොදව ගියා

ශශී

...
...

ශශී❤️😍

😐

නුවන් කැල්මේ රුසිරු වත ගොත
සිහිල් පින්නේ දියව යාවී
සිහින් නෙතු අග රැදුනු කදුලැල්
සුසුම් අරණේ සැගව යාවී
දැලින් පැටලුනු සිහින මායා
මිරිගුවක් වී දුරක යාවී
සිතින් ගිලිහුනු ප්‍රේම කවියේ
පසුවදන නුබ ලියා යාවී

ශශී

...
...

ශශී❤️😍

මගෙ ආදරේ ❤❤❤

සද තුහින පුරාවට හීන ලියකම් මවා
දෝතින්ම ආදරේ අරන් නුබ හිනැහුනා
නිදන විට මුලු ලොවම රහසේම ලන් වෙලා
පෙම් සිහින ඇහරවා නොදැනීම පෙම් කලා

තරු නිදන හැම රෑම මගෙ ලගින් නැවතිලා
ආදරේ කතාවේ පද නිතින් හැඩ කලා
ඈත කදු මුදුන් සිප ඇදෙන සුලගක් වෙලා
මගේ දෙසවන පුරා නුබේ හඩ තැවරුවා

සීතලට සිහිනෙන්ම නුබේ ලග ගුලිවෙලා
ප්‍රේමයේ මල් පියලි එකින් එක හැඩ කලා
ආදරේ දෙව්දුවත් අපේ පෙම් කවි අසා
හැම බවේ අපේ සිත් අපි නමින් වෙන් කරා

...
...

ශශී❤️😍

මගේ නැගනියට ආදරෙන් ❤️

මිලින වී ගිය රෝස කැකුලක්
අයැදුවා සෙනෙහස නිතින්...
කුරිරු දයිවය සරදමක් වී
වෙන් කලා ඇගෙ පෙම ඇගෙන්...
කියන්නට බැරි තරම් අසරන
ඇගේ නිල් නෙතු දෙස බලන්...
කුමක් කරනට හැකිද මා හට
විමසුවා මම මගෙ හිතින්...
ඇගේ ලග හිද කදුලු පිසිනට
හැකිය මට දැන් ඇගෙ නෙතින්...
නමුත් මට බැහැ එකතු කරනට
අහිමි සෙනෙහස ඇගෙ ඉතින්...
එක දෙයක් මම කියන්නම් අද
මගේ නැගනිය ආදරෙන්...
ජීවිතේ නුබෙ වටිනවා මට
පුන්චි කෙල්ලේ සත්තකින්...
😥😔❤️

ශශී

...
...

ශශී❤️😍

මගේ ගම

සීතල සුලග මගෙ දෙසවන් සිබිනකොට
සුන්දර නිල් පලස මත පය රැදෙනකොට
දසතින් ගලන මීදුම නෙත වෙලනකොට
මුලු ගම සුරපුරක් ලෙස නිති දැනෙයි මට

ඉපනැලි පෙමින් ඒ මේ අත වැනෙනකොට
සියොතුන් පෙමින් පෙම් මදු ගී ගයනකොට
ඇල දොල නිතර සිලි සිලි හඩ නගනකොට
මගෙ මුලු ගමම සුන්දර යැයි හැගෙයි මට

ඈතින් නැගෙන හිරු මල කදු සිබිනකොට
අරුනලු කිරණ මගෙ මුලු ගත වෙලනකොට
මානෙල් නෙලුම් හිරු එලියේ දිලෙනකොට
ගම්මානයම සිරියාවෙන් උදම් විය

ශශී

...
...

ශශී❤️😍

😔❤️

අගුලු ලා නෙක යදම් සිරකර
තැනූ මන්දිර ගරා වැටුනිද...
නෙතට බර වැඩි කදුලු ඉකිබිද
පබලු මිනි මුතු පැරද වූයෙද...
තනුව අහිමිව වැයුනු සත්සර
මියුරු පෙම් ගී ගොතනු කෙලෙසද...
කතර ගිම් මැද ගෙවෙන දිවියට
සතුට සිහිනෙන් වඩිනු පමණද...

ශශී

...
...

ශශී❤️😍

මට දුන්නු හිත එපා වෙන කාටවත් දෙන්න

නුබට පුලුවන්ද තව මා එක්ක දුර යන්න
සතුට වාගෙම දුකත් එක සේම විදගන්න
අඩුපාඩු වැරදි ඇති හොදින් කියලා දෙන්න
ජීවිතෙ නුබෙ නමින් හැකියි පේවී ඉන්න...

රන්ඩු වෙයි තරහ වෙයි නුබට වෙයි ඉවසන්න
ඉකි ගසා මම හඩයි නුබට වෙයි නලවන්න
හාදු වැස්සක් තියා පුලුවනිද සනසන්න
හැකිද පුද දුන් සෙනේ පන වාගෙ සුරකින්න...

ලදැරියක වගේ නුබ ලග ඉදන් කියවන්න
උරහිසට බර වෙලා හුගක් දුර ඇවිදින්න
හැකියි මට නුබ නමින් හැමදේම ඉවසන්න
මට දුන්නු හිත එපා වෙන කාටවත් දෙන්න...

...
...

ශශී❤️😍

පතන්නම් මතු බවේ වෙන්න නුබ මගෙ කියා

නෙතු පියන් සැලෙන විට හද ගැහෙන හඩ අසා
අතීතයේ ගව් ගනන් දුරක හද තනි වුනා
මියදෙනා මතක පොදි කදුලකට සිර වෙලා
සත්තමයි නුබට මන් නොදැනිම පෙම් කලා...

ආදරේ අරුත්බර කවිය මට මුමුනලා
සිත මගෙන් ඈතකට රැගෙන නුබ දුර ගියා
දැනෙන විට විරහ දුක නෙතු පියන් කෑ ගසා
සොයන්නේ නුබෙ රුවයි පනම මගෙ නුබ නිසා...

ලග ඉන්න පින් නැතත් දුරින් නුබ දෙස බලා
සැනසෙන්න අවසරද රිදුම් නොම දෙමි සදා
දකින්නට ආයෙමත් මම එන්නේ නෑ සොයා
පතන්නම් මතු බවේ වෙන්න නුබ මගෙ කියා...

ශශී

...
...

ශශී❤️😍

අහම්බෙන් මුන ගැහුනු මගෙ යෙහෙලියට,නැගනියට ඉක්මන් සුව පතමි.

අහම්බෙන් මුන ගැසුනු
සිත ලගින් නතර වුනු
යෙහෙලියයි නුබ
සොයුරියයි නුබ...
හැම නිතර කියවාපු
නුබෙ කතා දුර ගිහින්
දුක මැදින් හිනාවුනු
සිනාවන් නැත ඉතින්...
හැකි නොවේ ඉවසන්න
ඉක්මනින් නුබ එන්න
යෙහෙලියක් බලන් ඇති
නුබෙ දුකට හඩන්නට...
මගෙත් ආයුශ අරන්
ඉතින් නුබ හිනැහෙන්න
මගෙ පුන්චි නැගනියේ
ඉක්මනින් සුව වෙන්න...
😢😥😓

ආදර ශශී අක්කි

...
...

ශශී❤️😍

ඉපදී මැරෙනා බියකරු සසරට ඇයි අපි මෙතරම් ලොබ වන්නේ

කාල වර්ණ පිරි වලාකුලින් බර
මිහිදුම් නැගෙනා රෑ යාමේ
විලිබර සද ඔච්චමට හිනාවෙයි
තරු කැට ගිලිහුනු ආකාසේ
නේක රුවින් දිලි කනාමැදිරි එලි
අදුරට පරදින තුන් යාමේ
මනුසත් ගුන දම් වියැකී යයි නිති
දුදනන් රජ වෙන මේ ලෝකේ...

කලු සුදු පාටින් මිනිසුන් මැවෙනා
මනුසත් කම් නැති මේ ලෝකේ
දුදනන් රජ වෙයි සසරින් සසරට
අරාජිකව මේ හැම බවයේ
දෙවියන් දකිනට පව්කම් කරමින්
ජීවය යදිනා රග මඩලේ
ඉපදී මැරෙනා බියකරු සසරට
ඇයි අපි මෙතරම් ලොබ වන්නේ...

ශශී

...
...

ශශී❤️😍

කියනු මැන නුබෙ හදේ සැගවුනු ප්‍රේමයේ අබිමන්

වලා යහනට මුවා වෙන සුදු සදේ රැස් අතරින්
වඩිනු මැන හද යහන් මඩලට රැගෙන සද සිත්තම්...
සිතේ දොරගුලු විවර කරලන සිනහ මල් මුවගින්
කියනු මැන නුබෙ හදේ සැගවුනු ප්‍රේමයේ අබිමන්...
සෙනෙහෙ තැවරුනු හැගුම් ඉකිලන රැයේ කෙලි තුඩගින්
කුමක් ලියමිද නෙතේ දැවටෙන ආදරේ නාමෙන්...
සදා නොමියෙන අපේ ප්‍රේමය සරා සද විලසින්
රකිනු මැන මුලු බවෙන් බවයට අපේ පෙම් ලියකම්...

ශශි

...
...

ශශී❤️😍

නුබේ හදවත ගැහෙන රිද්මය මගේ මුලු දිවියම වෙලා

ලන් වෙන්න රහසින්ම හිත ගාව නැවතිලා
පෙරුම් පිරු සිහිනයම දැන් සැබෑවක් වෙලා...
නෑ යන්නෙ කිසිදාක නුබෙ හීන රිදවලා
ලග ඉන්න හැමදාම නුබ මගේ සද වෙලා...

අතැර යන්නට නොහැකි ලෙස මන් නුබේ දැහැනෙහි සිරවෙලා
කියාගන්නට නොහැකි ලෙස මුව නුබේ රුව ලග ගොලු වෙලා...
සිතන්නට මට නොහැකි තරමට සිතත් නුබ ලග නැවතිලා
නුබේ හදවත ගැහෙන රිද්මය මගේ මුලු දිවියම වෙලා..

ශශි

...
...

ශශී❤️😍

නුදුටු ඇය වෙනුවෙන් උපන් ඔහුගේ අසම්මත පෙම

සද වන් පිරුනු නුබෙ සුන්දර සුදු මුහුන
හැබැහින් දකිනු රිසි මම තැවුනෙමි බෝම
නා දලු වගේ දිලිසෙන ඔය දෙතොලතර
දග කරලන්නේ කොහොමද මම මගෙ මැනික

අවසග නොවන සිතිවිලි මම හදින් බදා
ප්‍රේමය පතා ආවෙමි මම පෙමින් හඩා
අන්සතු නුබව හැර යන්නේ කෙලෙස මෙමා
පෙම් කල පවට මගෙ මැනිකේ දෙන්න සමා

ඔහු ලග නතර උනු ඔය හිත මා දුටු දා
සසැලුනු බව දනිමි වැඩියෙන් පෙමත් තියා
ඉකිලන හැගුම් සන්සුන් කර තැවෙමි මෙමා
එක බවයක් දෙනවද මට නුබව ලියා

ඔහු තුරුලේම නුබ සැනසෙන හැමදාම
ගිනි ගෙන දැවෙයි මගෙ හදවත හොදටෝම
ඇත්තද මැනික නුබ කිව්වේ රහසේම
වලලපු බවක් නුබෙ සෙනෙහස මා ගාව

සුසුමක සුවද කිසි දිනයක විද නැත්තේ
අවිහින්සකම රුව හැබැහින් දැක නැත්තේ
පෙම් කලේ නුබත් නොඅඩුව මට හැමතිස්සේ
මිහිදන් කරමු පිවිතුරු පෙම හිත අස්සේ

මෙතුවක් ආ දුරත් අප හට බර හින්දා
අන්සතු පෙමක් මා හට හිමි නැති හින්දා
මතු බවයේ දවසක මුන ගැසෙමු සිතා
නවතිමු මැනික අද මෙතනින් පෙම හන්ගා

ශශී

...
...

ශශී❤️😍

අහිමි ප්‍රේමය...

සොදුරු මතක මැද දැනෙන හැගෙන දුක
කියාගන්න මට බෑ
සිතම රැගෙන නුබ ගියපු දුරක් මට
අදහගන්නට බෑ
ලගින් නතර උනු නුබේ සිනහ මුව
සිතින් මකන්නට බෑ
සිහින පුරන නුබෙ දෙනෙත් අතර මට
ඉන්න අවසර නෑ

ශශ

...
...

ශශී❤️😍

නැවතුම තබා යන්නට මට අවසරය...

රෑ තාරකා මල් හිනැහෙන මේ යාමේ
සද සලු පටින් සිතුවම් ඇන්දෙමි රිසි සේ
පාර කියන හත්දින්නත් තරු පොකුරේ
දුටුවෙමි පුරුදු නෙත් සගලක රූ සිත් සේ

හදවත නැවතුනිද ලෝකය නැවතුනිද
සීතල කදුලු නොදැනිම නෙත් තෙමුවේද
සිරගත කරපු සිතිවිලි සිල් බින්දේද
නුබෙ රුව දසුන මගෙ හදවත සසැලීද

පෙර මෙන් නුබේ රුව ලග මා අසරණය
වින්දේ සිතේ පිබිදුනු නුබෙ සෙනෙහසය
පෙර කල පිනට මුනගැසුනත් අප දෙදෙන
නැවතුම තබා යන්නට මට අවසරය

ශශී

...
...

ශශී❤️😍

හන්තාන අහස යට..

හන්තාන මීදුමට සැගවිච්ච ආදරේ
තාම තනි මකනවා හීනියට හිත් කොනේ
පොද වැස්සෙ සීතලට දුර ගියපු මාවතේ
මල් පින්න වැටෙනවා තාම පෙර දින වගේ

මහවැලිය ඉවුර ලග සද පෑයු යාමයේ
නුබ නැතිව නුබ එක්ක කරමි මම ආදරේ
නිම්තෙරක් නොපෙනෙනා සීත කදු පාමුලේ
අප පැතුම් සේදුනේ කිමද මගෙ සොදුරියේ

ලස්සනට වැතිරිච්ච නෙක පාට මල් බිමේ
දහස් පෙම්වත් හැගුම් රහසේම වියැකුනේ
සියක් වර මල් පිපෙන වසත් සමයක අගේ
විදගන්න හැකිවෙයිද නුබ එක්ක පෙර වගේ

ශශී

...
...

ශශී❤️😍

දීශා නන්ගි, චතූ නන්ගි ❤️

නිසදැස් ඉමේ හමුවුනු පෙර අප තිදෙන
සොහොයුරු පෙමින් බැදුනෙමු නොවෙනස් විලස
ලොවේ නොයෙක් වත්කම් මැද මට ලැබුන
වටිනම දෙයකි ඔබ දෙදෙනගෙ ඇසුර මට
සසර මගදි පෙර බවයක ලග සිටිය
පුරුදු ලෙසින් හදවත මට කියයි එය
නුදුරු බවෙක සොහොයුරියන් ලෙසින් අප
ඉපදෙමු පුරුදු ඇසුරක පෙර නිමිති ගෙන

ශශී අක්කා

...
...

ශශී❤️😍

මා මියගිය දිනට....

මා මියගිය දිනෙක ඔන්න
හැකි නම් ඔබ මෙය කරන්න
එපා නෙතට කදුලු දෙන්න
මන් වෙනුවෙන් නොහඩා ඉන්න...
ආ ගිය තැන් සිහි කරන්න
එපා මතක සිත තබන්න
උනුසුම් හාදුවක් තියා
ආදරයෙන් බලන් ඉන්න...
මගෙ හිත මට හදාගන්න
නව දිවියක් පටන් ගන්න
ආසම සුදු මල් අරගෙන
මගෙ සොහොනට ඇවිත් යන්න...

ශශී

...
...

ශශී❤️😍

සිරකර ගතිමි තොන්ඩුව මගෙ ගෙල මුලට...

සන්සාරයේ හුරු සුවදක සිත රන්දා
ලන් වුනෙ අපිට අපි නැතුවම බැරි හන්දා
නෙක නෙක පැතුම් සිත වටකර වැට බන්දා
හද පානේම ආවේ මම නුබ කැන්දා

සිවුවස් පෙමක අවසන අපි අපෙ වූදා
හැඩුවා නුබත් රහසෙම පෙම දෝරෙ ගලා
සිහිනෙන් වුවත් සැනසුනෙ නුබ තුරුලු වෙලා
කොහොමද මැනික මම යන්නේ නුබව දමා

එන විට දිනක් හදිසියෙ මම නිවස වෙත
දුටු දසුනින්ම නෙත් බොද වුනි එක පෙලට
පව් කර ඇතිද මම කොපමණ සසර මග
සොහොයුරු සමග නුබ සිටියා යහන මත

දුටු බව නුබේ හොර රැගුමන් නිවස තුල
නුබ නෑ අදත් තව දන්නේ මගෙ මැනික
මගෙ මුලු ලයම සත් කඩකට පැලුනු වග
පවසමි කොහොම නවතාගෙන කදුලු කැට

තරහක් නොවේ කවදාවත් නුබ එක්ක
මදි වෙන්නැතී මගෙ ආදරේ කල් යත්ම
වාවන් ඉන්න මට බෑ දුක හිත එක්ක
නොපතමි ඇසුර නුබෙ ආයෙත් කිසි බවෙක

මොහොතක් අපේ ප්‍රේමය සිහි කරන සද
රසමුසු බොහෝ තැන් තිබුනා මතක මැද
අවසන් වරට මැවුනේ නුබ මුව මඩල
සිරකර ගතිමි තොණ්ඩුව මගෙ ගෙල මුලට

ශශී

...
...

ශශී❤️😍

සිහිනෙන්වත් එපා ඔන්න මගේ ලගින් දුරස් වෙන්න...❤️🌹😘

සිය දහසක් මල් පිපෙන්න
මගෙ සිත් විල හැඩ කරන්න
පෙම් වරුෂා වස්සවන්න
සත් සමුදුර ගොඩ ගලන්න...
නෙක නෙක සිත්තම් අදින්න
හද උයනට පාට දෙන්න
සිහින පැතුම් ඵල දරන්න
නුබ නිති මගෙ ලග රැදෙන්න...
සද පිරුවට කවි ලියන්න
හැම රෑකම ලග හිදින්න
සිහිනෙන්වත් එපා ඔන්න
මගේ ලගින් දුරස් වෙන්න
තරු ලියකම් සිත මවන්න
නුහුරු හැගුම් කලඹවන්න
දිවිය තුරා පෙම් කරන්න
මගෙ පණ මගෙ ලගින් ඉන්න...

ශශී

...
...

ශශී❤️😍

❤️🌹❤️

හීන ලියකම් නෙතු මවා
පාට සිතුවම් හැඩ කලා
සියුම් රස තැන් සොය සොයා
මගේ හදවත ඉගිලුනා...
සිවුරු පඩු පැහැ ගත් වලා
සැදෑ යම සිතුවම් කලා
දිලෙන හිරු මල සැගවිලා
සදට කවිකම් එලි කලා...
වියැකි සිනහව පිබිදිලා
නොනිමි කදුලැලි සේදුනා
තරු පිපෙන අහසට වෙලා
මගේ කවි සිත දග කලා...
සිතට නොදැනිම ලන් වෙලා
මතක මන්පෙත පෙරලුවා
ලොවට රහසින් සගවලා
අපේ මතකය දග කලා...

ශශී

...
...

ශශී❤️😍

අම්මා.

සැගවූ නුබේ සෙනෙහස හිත අග්ගිස්සේ
දැනෙනවා හොදින් වැටෙනා විට හැමතිස්සේ
නොසැලෙන ලෙසින් නුබ සිටියා පවුරක් සේ
හැම විට ඇද හැලේ නුබෙ පෙම වැස්සක් සේ

රෑ නිදි නැතිව හැලූ කදුලැලි අපමණය
ලේ කිරි කර දුන්නේ අහිතක් නැතිවමය
හැම රෑ නුබෙ ලගින් දැනුනේ උනුසුමය
නුබ හැර දමා හෙට මම යන්නේ කොහොම

සසරම නුබ මගේ මව් වෙන්නට පතමි
මගෙ පණ වගේ නිති නුබ මම රැක ගනිමී
නුබෙ ගුණ කදට උපමා මම නොම බදිමී
දෝතින් බදා නුබේ දෙපතුල සිප ගනිමී

ශශී

...
...

ශශී❤️😍

හඩන හදවත 😐

උනු වුනා සිත මගේ නුබ ගැන ඉනූ මිහිරැති ප්‍රේමයෙන්
ගොලු වුනා නෙක වචන මුව මැද දුටුව නුබගේ රූපයෙන්
ගිලිහුනා අපි පැතුව පැතුමන් රැයේ නිදි නැති හීනයෙන්
ඉගිලුනා නුබ රැගෙන දිවියම බැදුනු සෙනෙහේ නාමයෙන්...
සදට පබැදිව කවි ලියු ඒ මිහිරි රසතැන් සේදුනා
ගොතපු පදවැල් නුබේ නාමෙන් හමන සුලගේ පාවුනා
බැදුනු දා සිට දෙනෙත් පැටලී සත්තමයි මම පෙම් කලා
මාත් මගෙ හිත අරන් යන්නම් ආයේ නොඑනට වෙන් වෙලා...
අයිති නැති පෙම් දෑස කුමටද මහද මැද ගෙත්තම් කරන්
හඩන මතකෙට නිමාවක් ගෙන දෙන්න අවැසි හිත හදන්
තනිවෙච්ච අපෙ හැගුම් ඉකිබිද ගතු කියූවට මට රවන්
දුරින් ඉමු අපි අපෙ කතාවට නිමාවක් අද එක් කරන්...

ශශී

...
...

ශශී❤️😍

අහිමි නුබට...

හිත හීනියට පහුරු ගාන
රිදෙන රිද්දන මතක මැද්දේ දෝලනය වන
අතීතය හීනයක්ම විතරක් වෙනවනම්...
නෙත් වලට නොදැනීම උනුසුම් වන
පුන්චිම පුන්චි කදුලු බින්දුවක රස
නුබට කියාදෙන්න පුලුවන් වුනා නම්...
ආදරේ කියන හිතට බර වැඩි අකුරු ඇතුලේ
ජීවිතේ සින්නක්කරම ලියාගත්ත නුබට
පණ ගැහෙන හදවත පුද නොකරානම්...
පපුව පසාරු කරගෙන වැදුනු හී සර පහරට
ලෙන්ගතුම හාදුවක් ගන්න මට හැකි උනා නම්
කවදාවත්ම නොදැකපු උබට
මහමෙරක් තරම් කියාගන්න බැරි ආදරෙන්
ලන් නොවුනානම්...
මේ වගේ සැරින් සැරේ හිත පාරන මතකයන් එක්ක
අද උබත් මාත් දුක් නොවිදින්න ඉඩ තිබුනා නේද මැනික...

...ශශී...

...
...

ශශී❤️😍

ආදර දෝණි..

රෝස කැකුලක් වගේ හිනැහුන
මගෙ පුන්චි දූ මගේ පන ටික
නැතිවෙද්දි උබෙ අම්මා උබ හට
යන්තමින් සත් මසයි වයසට..
ලොකු වෙද්දි උබ හෙමින් ටික ටික
වියදමත් හරි සැරයිනේ මට
අම්මා නැති අවිහින්සකම දෝණිට
නොවේ අඩුවක් කලේ නම් මම...
කවුරුවත් නැති උබේ තනියට
හිටියෙ මම විතරයිනේ උබ ලග
ගෙට වෙච්ච දා නොවේ අමතක
නෑව්වෙත් උබ මමනෙ හිස සිඹ...
නිතඹ පහලට ඇදුනු කොන්ඩෙට
ගමේ කොල්ලන් වැටුනෙ වසගෙට
සදක් වන් පිරි උබේ මුහුනට
සෙවල හැලුවේ ගමේ උන් ටික...
යද්දි මග තොට ගමේ කොල්ලන්
කරද්දි විහිලුවක් උබ හට
උබෙ තාත්තා උබේ ලග හිද
කෙරුවෙ පරිස්සම් ඇහැක් වාගෙම...
එදා මූසල වැස්ස දවසක
ආවෙ මම හනි හනික ගෙදරට
අනේ උබෙ රුව දකින්නට නෑ
දිව්වේ මම වැස්සේම පාරට...
සෙව්වමුත් හැම තැනම දෝණිව
නොවේ හමු උනෙ මගේ කරුමෙට
කැලෑ රොද ලග මූකලානක
අනේ උබ හිටියා වැටීගෙන...
බලද්දි මම ලන්ව එතනට
අනේ උබ යන්නම ගිහින් නොවැ
අසික්කිත තිරිසනුන් රැලකට
අනේ උබ ගොදුරක් වෙලා පණ...
උබ දන්නවද මගේ දෝණි
සත්කඩට පැලුනානෙ හදවත
උබ නැතිව මම ඉන්නෙ කොහොමද
පාලු පැලේ පහනක් නොමැතිව...
ඉතින් ගත්තේ ලනුව අතටම
බැන්දේ ගහ උඩ මුදුන් අත්තක
උබේ සිනහව සිහි කරන් මම
ගැටය දැම්මා ගෙලේ මුලටම...

...ශශී...

...
...

ශශී❤️😍

😔

අහසක් උනත් අඩාවි නොකියම සද හැන්ගිලා ගියාම..
පොලොවක් උනත් ඉරි තලලා යාවි වැහි කලුව නැති උනාම..
වෙරලක් උනත් වැලපේවි සයුරක් නිසලවම උන්නාම..
සිතත් දුක උහුලාවි නොනිවෙන මතක පොදි තිබුනාට..

ශශී

Top writers

Stay in touch